भाळवणी येथील कोरोना पॉझिटिव सापडलेले ठिकाण व आजूबाजूचा परिसर कंटेंटमेंट झोन म्हणून घोषित
भाळवणी ता. खानापूर येथे मुंबईहून आलेली साठ वर्षाची महिला कोरोना पॉझिटिव्ह आल्याने पुढील उपचारासाठी त्यांना मिरज येथे दाखल करण्यात आले तर कुटुंबातील उर्वरित पाच जणांना विटा येथे कोरंटाइन करण्यात आले आहे त्यामध्ये तीन लहान मुले व दोन मोठ्या व्यक्तींचा समावेश आहे. मुंबईहून आल्यानंतर हे कुटुंब त्यांच्या घरी होम कोरंटाइन होते. पन्नास वयाच्या वरील कोरंटाइन असलेल्या व्यक्तींचे टेस्टिंग साठी नमुने घेणे चालू केले होते. त्यामध्ये या महिलेचा रिपोर्ट पॉझिटिव्ह आला आहे. शासनाच्या नियमाप्रमाणे व्यवस्थितपणे हे कुटुंबीय कोरंटाइन असल्यामुळे व त्या लोकांचा इतर कोणाशीही संपर्क न आल्याने भाळवणी गाव सुरक्षित आहे. तरीही हा परिसर संपूर्णपणे कंटेनमेंट झोन म्हणून घोषित करण्यात आला असून तो संपूर्णपणे सील करण्यात आला आहे.
भाळवणी ग्रामपंचायतीच्या वतीने या परिसराची संपूर्णपणे जंतूनाशक फवारणी करण्यात आली यावेळी या परिसराला प्रांताधिकारी संतोष भोर, तहसीलदार ऋषिकेश शेळके, विटा पोलिस निरीक्षक रवींद्र शेळके यांनी भेट देऊन पाहणी केली. यावेळी पंचायत समिती सदस्य संजय मोहिते, ग्रामपंचायत सदस्य राजेंद्र शिंदे, उपसरपंच मानाजी पाटील, अमोल माळी, खलील मुल्ला, दिलीप जाधव, ग्रामसेवक अंकुश सुर्वे, भाळवणी च्या तलाठी सरिता पाटील, समुदाय आरोग्य अधिकारी डॉ.अजिम मोमीन, आरोग्य सेवक प्रमोद पाटील यांनी सदर परिसराला भेट देऊन परिसरातील सर्व नागरिकांना योग्य त्या सूचना केल्या
